keunarang Iqbal Al-Farisi
Bab keu phôn
Deungon bismillah lôn mula kalam
Pudjoë keu Tuhan Allahu Rabbi
Seulaweuët saleuëm Nabi djandjôngan
Keu Teungku Hasan beu-ampôn Neubi
Tjukôp le djasa keu perdjuangan
Uroë ngon malam Wali keuridja
Hana geuharap gadji meu-miljar
Pangkat jang manjang hana geu-hawa
Keu gubernur hana teubajang
Lé Teungku Hasan Wali Neugara
Ka lheuëh meusumpah ngon kalam Tuhan
Kon sumpah gobnjan ngon Pancasila
Leubèh got maté lôn woë bak Tuhan
Meunjo lôn tuwan djeuët lamiët Djawa
Lagèë njan sabé Wali meukalam
Ingat hai rakan bèk tanjoë lupa
Buleuën limong blah tjahja tjukôp trang
Di teubiët bintang djeuët peungeuh dônja
Djinoë Paduka geuwoë bak Tuhan
Atjèh geupulang bak aneuëk bansa
Hai bansa Atjèh bidjèh pahlawan
Kiban hai rakan Atjèh ta kira
Peuë ka meumada Atjèh lagèë njan
Dum hasé alam Djawa kuasa
Di tanjoë Atjèh pajah djak lam blang
Djawa njang trôk ban pangkat sép raja
Dum hasé Nanggroë meukujan-kujan
Djawa njang seunang tanjoë theun papa
Ilé ië mata watèë ta bajang
Seudéh hana ban dum aneuëk bansa
Tanjoë ban lamiët Djawa di pandang
Meunjo awak njan ban radja-radja
Meunjo di gata keu Wali sajang
Sambông hai rakan buët tjok meurdéhka
Bèk lé tapatéh Djawa djahanam
Peutrôk hai rakan hadjat Paduka
Bahgian keu phôn 'oh noë lôn karang
Lôn sambông teuma bak bab keu dua
Meu'ah dèësja lôn hai bandum rakan
Kadang na kalam di lôn jang gasa
*****
1 comment:
ass. wr. wb. krue semangat. saleum meunsjen kamoe keu peutuha2 peurdjuagnan njang na diluwa naggroe njang mantong neuseumike neusambong but njang ka geukeubah le ALM. paduka njang mulija Rgk, hasan muhammad Ditiro. nakeuh batjut Saran kamoe lam nangggroe, neuwoe meu padum droe u naggroe, neupeugot saboh forum perdebatan, mangat di teupu le banbandum bansa atjeh njang didalam aatawa ban sigom donja, bek sabe2 kamoe lam nanggroe ipasoe lam i token. Kamoe njang na lam nanggroe mangat meuteupu najng toh njang beutoi, tp setjara pribadi lon ka lon turi toh njang beutoi
Post a Comment