Seunambôt Buleuën Puasa

Keunarang Iqbal Alfarisy 

Alhamdulillah pudjoë keu Tuhan 

Njang peudjeuët alam dum manusia 

Seulaweuët saleuëm ukeuë djandjôngan 

Panghulèë alam nabi mustafa 

Lam masa tan trép tanjoë hai rakan 

Ka trôk lom pulang Ramadhan teuka 

Djak saweuë tanjoë ummat djandjôngan 

Njang sihat badan dan hana gila 

Tja-é Perdjuangan

seunambôt nibak tja-é keunarang Iqbal Al-Farisi:
http://at-asnlf.blogspot.com/2012/07/tjae-wali-nanggroe.html

ôléh:
http://www.facebook.com/adi.gitulhoh

njang teupot nibak:
http://www.facebook.com/bazooka.atjeh/posts/291396217624899

Sumpah di wali kon majang-majang

Bukon hai rakan keu gura-gura

Demi keu Atjèh njawong geukurbeuën

Réla geutinggai bandun hareuta

Kon lagèë djinoë ta-euë peudjuang

Sumpah jôh awai hana djikira

Hana lé tingat keu sumpah peudjuang

Padok hai rakan ngon bé ôk hareuta

Haba Peu-Ingat: Tja-é Wali Nanggroë

keunarang Iqbal Al-Farisi

Bab keu phôn


Deungon bismillah lôn mula kalam
Pudjoë keu Tuhan Allahu Rabbi
Seulaweuët saleuëm Nabi djandjôngan
Keu Teungku Hasan beu-ampôn Neubi

Tjukôp le djasa keu perdjuangan
Uroë ngon malam Wali keuridja
Hana geuharap gadji meu-miljar
Pangkat jang manjang hana geu-hawa